UDAKO IKASTAROA
“Salbatzaile baten azalean”
Udako oporretan, astelehenetik uztailaren 4tik abuztuaren 26ra, ostirala, kostaldeko erreskatearen hastapen ikastaroak eskaintzen ditu gure elkarteak 7 eta 16 urte bitarteko haurrentzat.
Saioak goizero izanen dira, astelehenetik ostiralera, 09:15etik 10:45era (9:30etik 10:30era uretan), Port-Vieux hondartzetan.
Ikastaroa nahitaez astelehen batez hasi behar da, aktibitatea bera eta ikastaroaren egitaraua aurkezten ditugulako.
Salbatzaile ikasleek Miarritzeko itsaso ingurunea ezagutuko dute eta salbamendu eta sokorri materiala deskubrituko dute (taula, flotagailua, soka…). Aldi berean, ingurumenaren eta itsasoko arriskuen inguruko sentsibilizazioa eginen dugu.
Bi hitzez: talde izpiritua eta umore ona !
Irakatsiko diren gaitasunak
- Aintzira bat aztertu,
- Uretan segurtasunez sartu,
- Haizea, uhinak eta korronteak identifikatu,
- Ingurua behatzen eta zaintzen ikasi (besteak zaindu),
- Hondakinek eragindako kalteak eta ondorioz bereizketa egiteko zikinontzien beharra ezagutu,
- Banderak eta haien esanahia deszifratu,
- Lehen sorospenen iniziazioa (abisua, kontzientzia, arnasa, P.L.S posizioa, …),
- Salbamenduko materiala ezagutu:
- Salbamendu taula
- Flotagailua
- Soka
Salbamendu teknikak ikastea
- Salbamendu taula gainean arraun egin
- Flotagailuarekin igeri egin
- Biktima bat garraiatu salbamendu taularen laguntzaz
- Biktima bat garraiatu flotagailuaren laguntzaz
- Biktima bat edo gehiago garraiatu sokaren laguntzaz (itsasoaren eta kopuruaren arabera)
Izan itsas ingurua hobeki ezagutzeko, edo ondotik salbamendu eskolan sartzeko, iniziazio hauek biziki egokiak dira kirol salbamendura lehen aldiz hurbiltzeko.